non orat, ut eam noctem pervigilet, ut honoris sui causa laboret, ut Capitoni quam primum nuntiet?
Cicero. Pro Roscio Amerino 99
Exempla antiqua
Classical and Medieval Latin examples for learners
qua veniat rogatus
quā veniat, causamque viae nōmenque rogātus
Ovid, Metamorphoses 5.651-654
et patriam, “patria est clārae mihi” dīxit “Athēnae;
Triptolemus nōmen; venī nec puppe per undās,
nec pede per terrās: patuit mihi pervius aether.
Canes famelici
Illustration from: Aesop’s Fables, by George Fyler Townsend, with illustrations by Harrison Weir, 1867
Stultum consilium non modo effectu caret,
sed ad perniciem quoque mortalis devocat.
Corium depressum in fluvio viderunt canes,
id ut comesse extractum possent facilius,
aquam coepere ebibere: sed rupti prius
periere quam quod petierant contingerent.
Phaedrus 1.20
See Shelmerdine, ch. 26, 122.2 (p. 239) for the subjunctive with antequam (as prius … quam, here)
De rana et bove
Dē rānā et bove
Inops potentem dum vult imitari perit.
In prato quondam rana conspexit bovem,
et tacta invidia tantae magnitudinis
rugosam inflavit pellem; tum natos suos
interrogavit an bove esset latior.
illi negarunt. rursus intendit cutem
maiore nisu, et simili quaesivit modo,
quis maior esset. illi dixerunt bovem.
novissime indignata, dum vult validius
inflare sese, rupto iacuit corpore.
Phaedrus 1.24